business is business

اللى حصل ف بورسعيد ده مجرد تقصير أمنى !!!
طيييييب
هما ليه مش يقصروا شوية مع مبارك وحد يدخل يخلص عليه ويرتاح ويريحنا ويريحهم ...
بلاش كده ....
شيلنا مبارك لييه ...
ايه الهبل ده طبعا عشان دم الشهدا اللى ماتوا
طب ليه مش بتشيلوا المشير ومجلسه ؟؟؟
لا طبعا ده هو غلبان والداخلية خانته
مش ده كلام ناس كتير ؟؟؟
طيب ليه بقى هنحاكم الغلبان مبارك .
ما الداخلية ضحكت عليه هو كمان

على فكرة المشيرعمل كل حاجة بنحاسب عليها مبارك ......ليه بقى ساكتيين عليه.؟ فيه حاجة غلط كده ! ويبقى مبارك طلع برىء فعلا امال بتحاسبوه ليه؟؟
بس عارفين ايه الفرق ؟؟؟
شيل مبارك كان هيحقق مصالح للغالبية العظمى ؟؟
بس شيل المشير هيخسرهم المكاسب اللى كسبوها فهمتوا بقى ليه الثورة الاولى نجحت لان كل الشعب اخلص لله فيها
انما التانية بقىمش اللى حقق مصلحته يبعد لا لا
ينزل التحرير تانى ويبوظ ثورة الباقيين .
فعلا

business is business
وياخسارة
أحمد سليمان

أرحمونا بقى حراااااااام عليكم

يادكاترة يا محترمين ........ بعض اساتذتى المحترمين اللى  بيدونى درس ف الاخلاق وبيتهمونا بالغباء واننا بنعطل العجلى اياها بتاعة الانتاج دول حتى مش بيقبلوا رايى غطرسة ع الفاضى ............. شلة منتفعين أحنا زى ما بتقولوا ربنا يدى كل واحد على قد نيته

 

البلد دى عاملة زى مريض بمرض خبيث وفيه اختلاف على طريقة العلاج اللى اكبر مننا شايفين ان المسكنات كفاية حتى لو بقى شوية الم ........ بس احنا كشباب مش عايزين حياة مزعجة وعايزين استئصال بالرغم من مخاطره لاننا عندنا مبدأ لنعيش عيشة حلوة لنموت ونرتاح  وعمر الفريقين ما هيفهموا بعض لانهم بالظبط كده مدرستين ف العلاج وكل واحد منهم مقتنع بنتيجة علاجة على حساب المخاطرة منه 

أرحمونا بقى حراااااااام عليكم 

الى من يتهمونا بالكلاب التى تنبح ارونا سير القافلة كى نكف عن النباح

 ظللتم مكتوفى الايدى ثلاثين عاما والان تتهمونا بتعطيلكم !!!!! عن ماذا ؟؟؟؟؟؟؟؟؟؟؟؟

عن القتل والدم الذى اوحلتونا فيه بسلبيتكم منكم لله .... لا بترحموا ولا بتسيبوا رحمة ربنا تنزل .

                                                   انا عن نفسى كنت ساكت 

بس كفاااااااااااااااية عرض وشرف وداسوا عليه وقتل ومئات ايه ايه حراااااااااام انتوا شبعتوا من الدنيا احنا لسه مش دقنا طعمها انتوا انتفعتوا من مبارك ونظامه احنا ياما اتذلينا بس احنا غيركم مش هنسكت ونخاف زيكم وطظ لا مليون طظ ف العجلة بتاعة الانتاج مليون

طظ ماهى كانت دايرة خدنا منها ايه

بلدنا ومش هنخلى امثالكم يحبطونا بس مش تبقوا تيجوا تتلزقوا فينا لما نشيل المشير زى ما عملتوا فى مبارك ..... جتكوا البلا مليتوا البلد

أرحمونا بقى حراااااااام عليكم 

لتتكلموا بما يرضى الله لتسيبونا فى حالنا  واضح جدا ان الفلوس والمصالح الشخصية عمت عنيكم وانكم مستفيدين جدا دلوقتى ومش فارقة معاكم ...

الشريعة الاسلامية يا اسلامييين

الى كل اللى كانوا بيسموا نفسهم الاسلاميين فى الانتخابات انتوا فييييين فين الشريعة الاسلامية اللى كنتوا بتنادوا بيها وبتقولوا احنا بس هنطبق مش شعارات مش اسلامنا ده بقى اللى شرع القصاص والعين بالعين ومن قتل يقتل ........... ولا تطبيق الشريعة الاسلامية كان مجرد شعارات انتخابية ايه اللى عملتوه للى ماتوا دووول شجبتوا وادانتوا وعملتوا لجنة يافرحتى بيكم ما مبارك كان استاذ ورئيس قسم اللجان عملنا مليون لجنة وادى النتيجة ........ انا مش بهاجمكم بس انتوا عادى معملتوش حاجة تستحق الاشادة ولا حاجة من شعاراتكم
اتقوا الله فينا واتقوا الله ف البلد وايه رايكم بقى فى المجلس العسكرى دلوقتى مش قادر يحمى ماتش وحمى الانتخابات الجيش هو السبب مش الشرطة وانتوا خليكوا ساكتيين
ماحنا ع الخيبة متعوديين
مفيش كلمة قولتوها النهارده ليه فى حق المجلس العسكرى
سكتوا ليه .... فعلا السكوت علامة الرضا
خيرا فعلتم لجنة
فعلا ونعم الاختيار برلمان الثورة
يطلع لى بقى لميض منكم يتكلم ويدافع ع الباطل ذنب ال80 اللى ماتوا امانة فى رقابكم انتوا اكتر من ثلاثة ارباع المجلس لو عايزينى مكلمكمش كاخوان وسلف اكلم مين اكلم نفسى
انا عايز تطبقوا الشريعة الاسلامية اللى كنتوا بتنادوا
بيها مش اكتر واقتصوا من القتلة
الشريعة الاسلامية يا اسلامييين

أحمد سليمان

اللى مش يحمينا مش يستحق يحكمنا

اللى مش يحمينا مش يستحق يحكمنا وننزل بقى لجان شعبية وبناقص حد يحكمنا ونحكم نفسنا لا اطمنوا هيحققوا ف الواقعة عشان يعرفوا مين قليل الادب اللى كان السبب .. هو كان يعنى ايه اللى حصل 80 ماتوا عندنا منهم 80 مليون انتوا بس اللى مكبرين الموضوع ايه يعنى لما ماتش كورة يموت فيه 80 ويتصاب 200 هو الامن هيقطع نفسه يعنى يحميكوا ويسيب مبارك
فعلا احنا شعب طماع مش الجيش ده اللى حمانا ف الثورة وعشان كده مامتش ولا شهيد
وحافظ على شرف بناتنا ونسائنا ومتعرتش ولا بنت واهو امتدادا لمسيرة العطاء بيحمينا وبيحمى ممتلكاتنا البنوك والشركات والمدرجات والمتفرجين مشفتوش الطيارتين اللى راحوا بورسعيد بعدها بساعتين بس وشالوا الناس اللى ماتت فعلا احنا كنا ظالمين الجيش
انا عايز حد من الاخوان يدافع ع الجيش دلوقتى ويقولنا الفترة الانتقالية ومصلحة البلد
هو ايه دم 80 عادى عادى خالص المهم احنا عايشين مش مهم غيرنا يموت من غير سبب
انا اتخنقت
اللى مش يحمينا مش يستحق يحكمنا
اللى مش يحمينا مش يستحق يحكمنا

فيلم هابط ((الثفقة)) حاليا على الساحة السياسية .

فيلم جديد بس قديم أوى من أيام الثورة العظيمة 25 يناير بس مفيش حد كان عايز يشوفه بس لازم نشوفه
لأن فيلم بالخيال العقيم ده لازم يتكشف نهايته !!!
بتدور أحداثه حول شعب قرف من نفسه ومن كل حاجة فى البلد وماصدق شرارة ولعت نار جواه فقام وكسر كل فساد فى البلد كان مزعله .
بس اصطدم بناس معندهاش دم قتلوا فيه بالرصاص الحى وداسوا عليه بعجل عربياتهم اللى هى اصلا من دمهم ومن عرقهم كمصريين غلابا .
فكر يلاقى حد يحتمى بيه فقال ياجيش .......ياجيش على اعتبار ان فيه اخوه وابوه وصاحبه وابن عمه وهو اساسا لسه مخلص خدمة فيه ... وجاره كمان ظابط فيه .... يبقى أزاى مش يحميه ......
مكنش يعرف انهم خدوا بالهم من لهفتنا ع الجيش وفكروا فى ثفقتهم واللى بنودها بدات تظهر يوم ورا التانى
مماطلات فى المحاكمة
وشهادة المشير
وكمان الحملة العجيبة اللى طلعت (((من أجل مصر )))) مصر فوق الجميع واللى بيجمعوا فيها توقيعات عشان يؤيدوا المشير رئيسا للبلاد . بعد ماقالوا انهم مش مترشحييين . وده كلام ناس عاقليين
ده اللى بيمسك حكم مصر بيتجنن ومبيسبوش غير وهو ميت او مخلوع
والتاريخ خير شاهد على ذلك  ازاى يعنى عايزينه يسلم الحكم للمدنيين حكم مصر ليه زهوته !!!
كده بقى أتضحت الرؤية اللى كانت ورا الثفقة دى
المخلوع/
ياطنطاوى اسيبلك حكم البلد وتحمينى انا وولادى ومراتى وفلوسى
طنطاوى/
عيب ياريس رقابتى بس أزاى
المخلوع/
بص ياحج انا امسكك حكم البلد كسلطة انتقاليه وانت وشطارتك
طنطاوى/
وبعدين
المخلوع/
انا اللى حاقولك !!! محدش ييجى نحيتنا خالص وطبعا لو اتزنقت فى شهادة انت الخير والبركة ومجتش على يمين صغير ويبقى صوم 3 أيام انا عارفك بتخاف ربنا
طنطاوى/
متقلقش ياريس حتى لو اتحكم عليكم حاصدر عفو رئاسى عنكم والشعب دووول بقر ولا يهمك
المخلوع/
تسلم ياحبيب قلبى ده العشم بردو بس هاوصيك وصيه
طنطاوى/
اؤمر
المخلوع/
الشعب ده اضربه بالجزمة انا لما كنت نافخهم محدش كان بيتكلم بس انا اللى جبت ده كله لنفسى لما قلت يانتخابات
طنطاوى/
متقلقش ياكبير
الخ
ياولااااااااااااااااااااااااااااااااااااااااااااااااااااااااد  الذين
ومازال العرض مستمرا وفى انتظار رد فعل الجمهور


أحمد سليمان

أنا خلاص فاض بيا

ايه ياناس خلاص الضمير انعدم مننا ولا ايه استهتار وعدم مبالاة من الكل مين الصح ؟ومين الغلط؟
مابنعملش الواجب اللى علينا وعايزين حقوقنا كاملة .......... حتى فى مهنة الضمير وللأسف الطب المهنة الانسانية مبقاش فيه أى ضمير
من الكبير الى الصغير فى كل مكان فى مستشفيات الجامعة .... مستنقع من الأهمال وقلة الضمير بداية من مدير المستشفى اللى نايم على ودانه وكأن الكلام مش ليه خالص وكان الشكاوى دى شكر بنقدمهوله خرابة والاسم استقبال سراير مش موجودة ولو موجودة لاتصلح للاستهلاك الحيوانى حتى ومن غير ستاير وامة لا اله الا الله بتبص عليه وهو بيكشف!!!! مفيش بيتادين أكوام زبالة اكتر من البنى ادميين
على فكرة مش عين ان سيادتك تبقى جراح شاطر وفاشل فى الادارة .... ولاهو احنا المصريين عاملين نفسنا بنفهم فى كل حاجة والسلام ...لو كل واحد مسك اللى بيفهم فيه يبقى احسن
وبعدين ايه وجهة نظر سيادتكم فى فتح باب الاستقبال فى الكولد للخناق !!!! ولالايه بالظبط اهل المريض يمسحوا بينا الارض لو سمعنا كلام النواب ومشيناهم على الاحرار
وطبعا النايب يديك دووش محترم لو دخلت حالة منيلة مش تبع اعضاء هيئة التدريس المحترمين .... ويقولك باختصار انا مابدخلش حالات الا تبع دكاترة الجامعة هما اللى هيلبونى لو معملتش كده....طب بس الحالة دى يا دكتور مشيه على الاحرار وتاخد كلمتين محترمين من اهل المريض وتبقى فى نظرهم ابو لهب


اما بقى النواب مش هتكلم عنهم خالص لا منهم محترم جدا والباقى طبعا معندوش قلب وتبقى انت والحالة بتدوروا عليه زى مايكون عيل صغير تايه فى مولد

بس اللى المفروض اتكلم عنهم هما زمايلى فى الامتياز واللى خلاص عدوابعلمهم واتكبروا حتى على القعدة فى الاستقبال خلاص بقوا مهمين مع انهم حتى قعدتنا عادى خالص بس اضعف الايمان تنقذ مريض حالته حرجة بانك تاخده الطوارىء لحد من العنايه او التخدير يتصرف معاه
مش نسيب الاستقبال يضرب يقلب من غير حد خالص فين بقى الضمير والحجج واضحة طبعا مابنستفدش حاجة فى الجامعة ...... مع ان والله اللى عايز يستفيد بيستفيد من اى مكان   بدليل الاطفال كل اللى بعدنا قالوا شهرين ضايعين فى الامتياز مع انهم والله اكتر شهرين استفدت فيهم شخصيا


ياجماعة حرام عليكم شوية ضمير
بلاش حتى الضمير حط حد من عيلتك مكان المريض اللى مش بتعبره

ليس ذ ما فى عبد الناصر (حقائق مجردة) فقط

ان ماساقوله ليس ذما فى عبد الناصر ولكنه انصافا للسادات الذى فعل مالم يفعله عبد الناصر ولم يأخذ حقه بل قتلته يد الغدر.

كان لجمال عبد الناصر شخصية تجذب الجميع حوله وكان لاسلوبه فى الحديث من رقة تلاقى استعطاف واستحسان العرب والمصريين والتى كانت تعطيه الانتصار والنجاح من وجهه نظر الناس الذين كان اغلبهم اميين حتى وان كان فى اوحل درجات الهزيمة.

فبالغم ماحدث في عهده من نكبات كان سببا بشكل او باخر فيها .....الا انه عندما فكر فى التنحى بعد النكسة خرج المصريين ليعيدوه الى الرئاسة ومات من وجهة نظر الكثيريين بطل قومى.

لم ندخل حربا فى عهده الا وخسرناها!!!!!! وبفضيحة .

ابتداء من حرب 48 وحرب 56 حرب 67 النكسه مرورا بحرب اليمن .

خسرنا فلسطين وسيناء ومرارة النكسة التى مازلنا نتجرعها.

فضلا ماحدث من صمت منه عن زيادة نفوذ ضباط مجلس قيادة الثورة فقد خلصنا من ظلم الحكم الملكى الى ظلم الضباط الذين كانوا ينهبون الثروات واموال الامراء ليتقاسموها فيما بينهم.........ومن الذى اعطى عبد الحكيم عامر الفرصة لكل ما فعل بل اراد ان يكافأه وكان يريد تعيينه نائبا للرئيس لولا اعتراض جميع الضباط لانه يصغرهم جميعا.

ان جمال عبد الناصر هو مبتدع ظاهرة الرجل الواحد المتحكم فى كل شىء فقد كان يعيش دور زعيم الامة العربية.

ومن وجهة نظرى ماحدث فى عهده من كوارث لن يغفره بناء سد ولا استوديو ولابنك 

الكارثة اكبرمن فتلت الاراضى الزراعية التى فاضت من ضباطه ووزعها على الفلاحين الغلابا .

حتى مجرد حلم الهيمنة على الزعامة العربية بفكره الاشتراكى الصرف فشل فيه والدليل لايحتاج توضيح الوحدة الفاشلة بين مصر وسوريا .

بدأت وانتهت مجرد ثورة  شعارات يقودها عبد الناصر ابو الشعارات.